Ngayon –
Habang inuulan ng pamatay na rockets
ang kalakhang Gaza;
Habang wari’y walang katapusan
ang pagbuwal ng mga inosenteng buhay
sa kinakamkam nilang lupa;
Habang pinupulbos ang
mga tahanan, paaralan
at lugar nilang Sambahan;
Habang umaagos ang dugo,
at binabalot ng pagtangis
at sigaw ng paglaban
ang kalupaang pilit
na kinukubabawan
ng mga Zionistang mapanlipol;
Rumaragasa sila sa Gaza
na parang asong ulol;
Sumasagasa para manggahasa
ng mga inosenteng bata, Ina, matatanda -
para pumatay, para pumatay…
Matunghayan nila sana ang unti-unting
pagiging Palestino ang lahat ng mga tao;
katulad ng pagiging Hudyo ng mga mamamayan ng Mundo
nang sila naman noon ang nililipol ng mga demonyo!
Leave a Comment
No comments yet.
Comments RSS TrackBack Identifier URI
